Klakkisturnar eru komnar í ána og eru veiðimenn hvattir til að setja í þær bæði hrygnur og hængi.
Athugið að geta þess í veiðibókinni ef lax er settur í kistu.

Þrátt fyrir að heimilt sé að hirða einn smálax á vakt til hádegis 11.ágúst, biðjum við veiðimenn að hugleiða hvort sá lax sé ekki betur kominn í klakkistu.

Kisturnar eru á þessum stöðum:
   Árbugsárós að austan.
   Sandur að vestan.
   Eyrarbreiða að austan.
   Vatnsleysuhylur að vestan.
   Flúðir að austan.
   Systrahvammur að vestan.

Einnig verður hægt að setja klaklaxa í karið að Draflastöðum.

Fyrsti laxinn kom á land nú síðdegis á svæði 1 í Fnjóská, þar sem veiðimaður landaði nýgenginni hrygnu á Hellunni, laxinn mældist 71 cm og var lúsugur.

Veiðin hefur verið brösug það sem af er sumri og laxinn látið bíða eftir sér, þrátt fyrir að hann hafi sést öðru hvoru á svæðinu.

Hins vegar virðist bleikjan vera snemma á ferðinni þetta árið. Veiðimenn hafa orðið varir við töluvert magn og náð vænum fiskum, allt að 65 cm að lengd. Það vekur vonir um að bleikjustofninn sé á batavegi eftir nokkur erfið ár.

Stjórnarmenn opnuðu ána helgina 14-15. júní en urðu ekki varir við neitt líf.
Fyrsti seldi dagurinn er í dag, 19. júní, og fljótlega var búið að setja í einn lax í Brúarlagshyl, en hann hristi sig af eftir stutta viðureign.
Laxar sáust í dýpinu við Malareyrina.

Stangaveiðifélagið Flúðir og Veiðifélag Fnjóskár vilja að gefnu tilefni koma eftirfarandi á framfæri.

Nýjar reglur um sleppingar veiddra fiska eru í gildi frá og með sumrinu 2024.

Helstu breytingar frá eldri reglum eru þessar:

• Sleppa skal öllum bleikjum og sjóbirtingi óháð stærð.
• Öllum laxi yfir 65 cm skal sleppt eða hann settur í klakkistu.
• Til hádegis 11. ágúst er heimilt á svæðum 1-4 að hirða einn lax 65 cm eða minni á hverjum hálfum degi.
• Eftir hádegi 11. ágúst og út veiðitímann skal öllum laxi sleppt eða hann settur í klakkistu.
• Frá hádegi 1. ágúst er aðeins leyft að veiða á flugu með flugustöng.

Við biðjum veiðimenn vinsamlegast um að kynna sér þessar reglur og virða þær.

Sjá nánar á www.fnjoska.is og á útgefnum veiðileyfum.

Stjórnarmenn Flúða opnuðu ána um síðustu helgi en urðu ekki varir við lax.

Í morgun kom fyrsti laxinn á land.  80 cm nýgengin hrygna úr Skúlaskeiði.
Fallegt vorvatn er í ánni, nánast litlaust og rennsli 75 m3/s.